讀了小克與阿德與Wyman齊齊畫寫的《十大最憎》，感慨良多，
讓小女子也寫寫我的最憎清單吧！
1.毛手毛腳之嗱渣版 轉了新髮型後返工的第一天，事必會有些張三李四未經本人同意／許可就搞我個頭！憎！更離譜的是正當我在洗手間洗手之際毫無搏擊能力之時，那人又剛剛從廁格內走出來，唔用梘液洗手求其用水沖兩沖就掂我啲頭髮！勁憎！仲要以為懶卡娃衣的拋下一句：「你個頭好得意呀！哈哈哈！」就可以當無事發生！至憎！（情況同樣可apply在穿了Mohair／Faux Fur／Fleece等毛sungsung衣服的日子）憎爆指數：憎憎憎憎
2.攝門鬼 出入商場、屋企或公司樓下大堂，永遠都會在我推／拉開那道重到要死的玻璃門至正正45度角的一剎那，失驚無神彈出一個四眼西裝男或麻甩阿叔，扮晒無嘢懶身輕如燕攝青鬼咁攝入條門隙，唔該都無聲當我係Bell Boy咁喎！啲男人離晒大譜喎！如果陣間焗住搭埋同一部lift仲憎多兩錢重喎！憎爆指數：憎憎憎
3.公關追魂Call 係… 我知道家陣搵食艱難…我又知道你嗰行競爭好大…之但係請問你哋啲PR姐姐們可唔可以放過我，唔好夜媽媽（即係過咗我嘅官方收工時間晚上8點）仲打電話俾我 呢？又或者星期六日放緊假仲要勤力到係咁send啲Press Release出嚟炸爆我個email account呢？同埋你知我擺明唔聽你電話，你就咪日日每隔兩個鐘就洗出奪命追魂call呢啲渣招好冇？如果你啲衫裙手袋高踭鞋靚的話我就會自動送上門 搵你㗎啦…你到底明解唔明解呢？憎爆指數：憎憎憎
5.戲院內的臭魷魚 這個跟黃偉文先生的戲院內的膠袋有異曲同工之「鄙」，甚至比起在全場戲最靜時突如其來的電話響聲、隔離嗰位仁兄每5秒就伸手入膠袋摷嘢食時發出的嘞嘞聲、食Popcorn食到japjap聲更加乞人憎！嘩大佬！你估IFC Palace係旺角金聲咩？你唔係以為家陣仲係80年代吓話？仲响戲院食臭到冤嘅燴魷魚！癲㗎！憎爆指數：憎憎憎憎
讓小女子也寫寫我的最憎清單吧！
1.毛手毛腳之嗱渣版 轉了新髮型後返工的第一天，事必會有些張三李四未經本人同意／許可就搞我個頭！憎！更離譜的是正當我在洗手間洗手之際毫無搏擊能力之時，那人又剛剛從廁格內走出來，唔用梘液洗手求其用水沖兩沖就掂我啲頭髮！勁憎！仲要以為懶卡娃衣的拋下一句：「你個頭好得意呀！哈哈哈！」就可以當無事發生！至憎！（情況同樣可apply在穿了Mohair／Faux Fur／Fleece等毛sungsung衣服的日子）憎爆指數：憎憎憎憎
2.攝門鬼 出入商場、屋企或公司樓下大堂，永遠都會在我推／拉開那道重到要死的玻璃門至正正45度角的一剎那，失驚無神彈出一個四眼西裝男或麻甩阿叔，扮晒無嘢懶身輕如燕攝青鬼咁攝入條門隙，唔該都無聲當我係Bell Boy咁喎！啲男人離晒大譜喎！如果陣間焗住搭埋同一部lift仲憎多兩錢重喎！憎爆指數：憎憎憎
3.公關追魂Call 係… 我知道家陣搵食艱難…我又知道你嗰行競爭好大…之但係請問你哋啲PR姐姐們可唔可以放過我，唔好夜媽媽（即係過咗我嘅官方收工時間晚上8點）仲打電話俾我 呢？又或者星期六日放緊假仲要勤力到係咁send啲Press Release出嚟炸爆我個email account呢？同埋你知我擺明唔聽你電話，你就咪日日每隔兩個鐘就洗出奪命追魂call呢啲渣招好冇？如果你啲衫裙手袋高踭鞋靚的話我就會自動送上門 搵你㗎啦…你到底明解唔明解呢？憎爆指數：憎憎憎
4.肉酸女爭衫 其實我也不明所以，更不是要企圖讚自己，但成日行街都會出現這個討厭情況：話說無論我身在H&M抑或JOYCE，每次拿起某件衫在鏡前照照，甚至穿著從在試身室走出來，總會在我把那件衫放回架上／告訴Sale屎姐姐我考慮一下的時候，就會有個自以為好靚兼對眼生咗响額頭上的Bitch，或者在我照鏡時已不斷打量我的肥師奶，即時以9秒9之高速從貨架上／Sale屎姐姐手中「立」走件衫衝埋塊鏡左拼右拼…當然,那刻我已決定離開間舖懶理她副衰相。憎爆指數：憎憎
5.戲院內的臭魷魚 這個跟黃偉文先生的戲院內的膠袋有異曲同工之「鄙」，甚至比起在全場戲最靜時突如其來的電話響聲、隔離嗰位仁兄每5秒就伸手入膠袋摷嘢食時發出的嘞嘞聲、食Popcorn食到japjap聲更加乞人憎！嘩大佬！你估IFC Palace係旺角金聲咩？你唔係以為家陣仲係80年代吓話？仲响戲院食臭到冤嘅燴魷魚！癲㗎！憎爆指數：憎憎憎憎
No comments:
Post a Comment